TERMALISMO - SESIÓN 1: PRESENTACIÓN

As augas termais están alí dende o principio dos tempos. En Ourense, nun afluente do Limia chamado Río Caldo marca unha ruta acuática relacionada coas augas termais. Con esta idea, na titoría de 3º e 4º traballaremos nun bloque que chamaremos termalismo que formará parte do proxecto do centro “Coñecemos Lobios”, proxecto que ten como obxectivo principal promover nos alumnos actitudes de recoñecemento, respecto e responsabilidade cara a el. 

     O obxectivo principal do proxecto é que os alumnos coñezan o patrimonio da súa localidade e aprender a valoralo. Durante o mesmo, os nenos e nenas crearán un produto final, materializado nuns paneis no que haberá texto, fotografía, debuxos e vídeo cos resultados máis salientables de cada parte do proxecto.

     A motivación desempeña un papel fundamental nos procesos de adquisición da aprendizaxe, pero tamén a elección de estratexias de ensinanza. Por ende imos a usar métodos baseados no traballo cooperativo para potenciar o gusto pola investigación e polo descubrimento. Aprender facendo mediante a resolución de problemas é unha estratexia imprescindible para lograr unha aprendizaxe significativa. 

     Con estes métodos ensinamos a aprender a partir da relación activa do contorno, manipulando, experimentando, preguntando e ensaiando. E é nesa interacción onde os descubrimentos e as novas experiencias actúan como desencadeantes de novos coñecementos. 

     Con esta parte do proxecto queremos potenciar a responsabilidade de cada un e tamén colectiva, a comunicación entre os membros do grupo e do resto da comunidade educativa, o liderado compartido, a repartición de responsabilidades, a diversidade enriquecida pola contribución das individualidades, a análise crítica da información, a capacidade de síntese, a globalización dos contidos traballados e a participación das familias nas actividades de aprendizaxe.

GRUPO 1

Ezequiel

David Martínez

Uxía 

David Fernández

GRUPO 2

Marta

Iker

Leire

Eladio

                           GRUPO 3

                             Quique

                             Héctor

                             Arón

                            Felipe

GRUPO 4

Movilla

Ismael

Vanie

Carla

    

     

 Para investigar sobre os diferentes termos terán como única referencia as preguntas que eu lles fago nas fichas que confeccionei, para o cal teñen que usar fontes bibliográficas, artigos periodísticos, preguntar na casa e buscar na Internet. 

     Nas fichas, ademais de elementos escritos teñen que facer debuxos. Os mellores serán refeitos para a elaboración do produto final.  Ao rematar cada sesión faremos unha posta en común dos resultados para obter as respostas mais salientables. 

     Para o traballo os alumnos organizaranse en grupos de 4 alumnos e cada grupo terá un líder de grupo que será quen de coordinar aos demais e de dirixirse ao mestre en cantas dúbidas xurdan no proceso ensinanza aprendizaxe. O método empregado é o aprendizaxe por descubrimento. 

Como dixo Confucio no século V a de C.: "Elixe un traballo que che guste e no tendrás que traballar ni un día da túa vida".